• » Inicio
• » "Ze Berri?" boletín
• » Actualidad

Gaurkotasuna

• 2010/09/02

  Euskal ikusentzunezkoen sektorea sustatzeko neurri berria: 8,2 milioi euro maileguetan

  Euskadiko ikusentzunezkoen produkzioa sustatzea finantziatzeko 2010eko sistema zein izango den arautzen duen deialdiari buruzko Agindua onartu berri du eusko Jaurlaritzak. Aurten 8.235.000 euro erabiliko dira agindu horretan arautzen diren bi mailegu-motak finantziatzeko.

  Agindu honen helburua ikusentzunezkoen euskal sektorean ekoizpena, lehiakortasuna eta enplegua sustatzeko laguntzen erregimena eta baldintzak finkatzea da, horretarako ikusentzunezkoen proiektuei dirulaguntzak emanda. Horretarako, bi kreditu mota zehaztu dira. Bata interesik sortzen ez duten maileguak emateko da, 5.000.000 eurora artekoa, eta bestea 3.235.000 eurokoa, lehentasunezko interes-tasadun kontratuak finantziatzeko kredituak emateko.

  Arau honek Euskal Autonomia Erkidegoko ikusentzunezkoen produkzioa sustatzeko finantziazioa arautzen duen 107/2007 Dekretua garatzen du; produkzio berria diren ikusentzunezkoek eskatu ahal izango dituzte kreditu horiek, eta horien barruan, bai serieka banatzekoak ez diren produkzioak eta gainerako produkzioak ere sartuko dira. Aurrekontuaren % 40 izango den kopurua egoitza Euskadin duten profesionalak (sortzaileak, teknikariak, artistak) edo enpresak kontratatzeko erabili beharko dute obra horiek.

  » Eusko Jaurlaritzako, Kultura Saila: Ikusentzunezkoen sektorea

• 2010/09/02

  Abian da TV Euskadi, Euskadiko turismoaren Internet bidezko telebista

  Abuztuaren 4an hasi zituzten TV Euskadiren, Euskadi turismoko toki gisa bultzatzea helburu duen Internet bidezko telebista-kate berriaren, emanaldiak. Aipatutako katea Eusko Jaurlaritzaren Industria, Berrikuntza, Merkataritza eta Turismo Sailak jarri du abian eta lehen emanaldian Gasteizko Andre Maria Zuriaren jaien hasiera zuzenean eskaini zuen.

  EiTBren laguntza jaso du kate berriak eta Euskadiko turismoari lotutako bideoak biltzen ditu hainbat hizkuntzatan editatuta. Gainera, ikus-entzunezkoen bidez, bisitarientzat eta Euskadiko herritarrentzat eskuragarri dauden produktu ugarien inguruko informazioa eskaintzen du: gastronomia eta enologia, ibilbideak, bileretako turismoa, hiriko ihesaldiak... baina, horrez gain, hainbat gertaeraren emanaldiak eskaintzen ditu zuzenean eta horren erakusgarri da, esate baterako, abuztuan Euskadiko hiru hiriburuetako jaien hasiera eskaini izana.

  TV Euskadik, gainera, Euskadiko kultur agendari eta meteorologiari buruzko edukiak eskaintzen ditu eta turismo arloko eta egunerokotasuneko interesa duten jarduera ugarirekin lotutako sustapeneko bideoak eta erreportajeak ere biltzen ditu.

  TV Euskadiren beste ezaugarrietako bat oso parte-hartzailea izatea da; izan ere, edukia eta iritziak sare sozialen bidez partekatzeko aukera eskaintzen du.

  » TV Euskadi

• 2010/09/01

  Gipuzkoako Foru Aldundiaren Kanpo Harremanetako Zuzendaritzak webgunea estreinatu du

  Gipuzkoako Kanpo Harremanetako Zuzendaritzak, Gipuzkoako Foru Aldundiaren Kiroletako eta Kanpo Ekintzako Departamentuaren mende dagoenak, duela gutxi berritu ditu bere web-atariko edukiak eta irudia.

  Webgune berriak Gipuzkoako Kanpo Harremanetako Zuzendaritzak garatutako funtzioen eta jarduera nagusien deskribapenaz gain, Gipuzkoak kanpoaldean duen presentziarekin eta atzerritarrek lurraldean duten presentziarekin azken albisteak jasotzen dituen atala ere badu.

  Horrez gain, lotutako ekimen eta jarduera nagusiak ezagutarazteko egutegia eta intereseko beste webgune batzuetara joateko estekak dituen atala ere eskaintzen ditu.

  » Gipuzkoako Foru Aldundiaren Kanpo Harremanetako Zuzendaritza

• 2010/09/02

  Gureak desgaitasuna duten pertsonak laneratzea eta gizarteratzea erraztea helburu duten berrikuntza proiektu berriak aurkeztu ditu

  Gureak Taldeak Gitek egistamoaren barnean garatuko dituen desgaitasuna duten pertsonak laneratzea eta gizarteratzea erraztea helburu duten berrikuntza proiektu berriak aurkeztu berri ditu. Gitek zentroaren xede nagusia desgaitasuna duten pertsonak laneratzea eta gizarteratzea da, horretarako neurri teknologiko eta berritzaileak abian jarriz.

  Gitek-en jarduera eta ekintza nagusien artean, behategi sozio-laboral teknologikoa eta behatze prozesuen sistematizazioa aurkitzen da. Behategi hinen xedea desgaitasuna dutenen jarduerentzako aukera berriak identifikatzea eta egunean egotea lanabes berriei dagokienez. Horrez gain, I+G proiektuak garatuko ditu, egungo teknologiak ezarriz, hartara desgaitasuna duten pertsonek erabil ditzaten: plataforma mugikorrak, identifikazio sistemak, errealitate handitua, ikusmen artifiziala, pizarra digitalak, Wii, kontsolak eta abar. Gureak Taldeak Erabiltzailea ezagutzen duen ingurunea, zeina moldatu egiten baita desgaitasuna duten pertsonen irisgarritasunari laguntzeko jarduerak bultzatuko ditu, ahla nola, prestakuntza prozesuak garatzeko aukera errealitate birtualeko lanabesen bidez (2D eta 3D), eta joko dispositiboak erabiltzeko aukeraren analisia (Nintendo DS) prestakuntza esperientzetarako, dela entrenamendurako.

  Gitek-ek, berrikuntza laborategiak, Europako Gizarte Funtsaren babesa du, erakundearen %50eko finantzazioaren gain hartuz; horrez gain, Gipuzkoako Foru Aldundiaren Gizarte Politikako Departamenduaren laguntza ere du, kasu honetan Sarbideak-Innovación Programaren bitartez. Zehazki, aurten, Gitek-i Aldundiak zuzendutako partida 200.000 euro izan da, Krisiari Aurre egiteko Planaren bidez.
  
  

  » Desgaituentzat teknologia garapena (gipuzkoa.tv)

  » Gureak Taldea

• 2010/09/02

  Ogasun eta Finantza Departamentuak digitalizazio ziurtaturako homologatutako softwarearen zerrenda eguneratu du

  Fakturazio telematikoari eta fakturak modu elektronikoz gordetzeari buruz xedapenak garatzen duen Foru Aginduan zehazten denez, zergapekoek aukera dute paperean gordetzen dituzten jatorrizko faktura, ordezko agiri eta bestelako dokumentuak modu ziurtatuan digitalizatzeko, oinarri bezala paperean erabilitako originalak alde batera utzita.

  Dena den, ziurtatutako digitalizazio honek gutxieneko baldintza batzuk bete ditzan beharrezkoa izango da Gipuzkoako Foru Aldundiko Ogasun eta Finantza Departamentuaren Ikuskaritzako Zuzendariordetza Nagusiak homologatutako softwarea erabiltzea.

  Zentzu honetan, Gipuzkoako Foru Aldundiko Ogasun eta Finantza Departamentuaren Ikuskaritzako Zuzendariordetza Nagusiak digitalizazio ziurtaturako homologaturako software berri bat gehitu du. Digitalizazio ziurtaturako homologaturako softwarearen zerrenda eguneratua ikusteko, Ogasun eta Finantza Departamentuaren webgunera jo behar da.

  » Digitalizazio ziurtaturako softwarea homologatzea (Ogasun eta Finantza Departamentua)